A partir de hoxe tendes a vosa disposición novidades na biblioteca, hai algo de todo: libros de misterio, temas de interese e información, album ilustrado no que vernos reflexados ou coñecer outras vidas que nos poderían ter tocado vivir...
Animádevos a ler!!
Despois de pedir opinións e recomendacións de lecturas a chicos das nosas casas, de reflexionar sobre os nosos propios gusto e de follear algúns libros que tiñan boa pinta, escollimos o que será a nosa primeira lectura do club: CARTAS DE INVERNO, de Agustín Fernández Paz.
Onte reunímonos a ler xuntos ao sol do mediodía e, tras unha lectura "misteriosa", fantástica" e chea de "suspense" e "terror", acordamos ler para a próxima reunión ata a páxina 36, completar a lectura do capítulo un e dous, para despois seguir compartindo e propondo metas.
Non vos esquezades anotar curiosidades, cousas impresionantes... o que vos queirades despois comentar na próxima reunión.
E a gozar do libro e do misterio!!
Este ano estamos a tope coa correspondencia.
Os medianos están facendo amigos en Cedeira e os maiores recibiron xa as felicitacións navideñas dende Polonia, aquí vos quedan unhas fotos.
FELIZ VOLTA O COLE E A BIBLIOTECA!!
Xa estamos de volta na escola e queremos comezar presentándovos unha actividade nova neste ano 2022:
O CLUB DE LECTURA DA BIBLIOTECA
Podedes participar todas e todos a partir nos nove anos, non só alumnado senón tamén membros das familias e da comunidade escolar, incluidos ex-alumn@s.
Se estades interesados ou tendes calquera dúbida, póndevos en contacto coa responsable da biblioteca a través do whatsapp ou de classdojo.
