CLUB DE LECTURA

 Xa rematamos o noso segundo libro do Club de lectura, As Confesións de Carlota Doyle. 

As opinións sobre esta narración non foron tan unánimes como no caso de Cartas de Inverno. Aída que nos gustou moito e mantivemos acaloradas conversas especialmente sobre certos pasaxes moi emocionantes, algúns e algunhas das lecturas opinaron que as descripcións, en ocasións, se lle fixeron longas...

Na opinión da maioría, os pasaxes que máis nos gustaron foron eses que daban algo de "medo" e tamén nos que Carlota se viu na necesidade de enfrentarse a quen no final non era como parecía...

Se queredes saber máis, lede a historia, é moi recomendable!!!

VISITA CULTURAL A CELANOVA E VILANOVA DOS INFANTES

 O catro de maio gozamos dun día moi especial, fixemos unha saída cultural a Celanova, moi esperada despois deste tempo sen poder realizar estas actividades que tanto nos gustan.

Desprazámonos en autobús ata a vila e unha vez alí visitamos o mosteiro de San Rosendo, a capela de San Miguel, gozamos dun concerto didáctico de órgano e, tras unha breve pausa no parque das Triguerizas, desprazámonos ata Vilanova dos Infantes, onde seguimos a nosa viaxe no tempo subindo a torre medieval e profundamos un pouco máis na área do saber que estamos a traballar a través do noso PDI: o traballo, neste caso, dos zapateiros.

Foi un día cheo de experiencias e aprendizaxes!!

DÍA CONTRA O ACOSO ESCOLAR

 

                                                       Imagen de Alexas foto en Pixabay

O día dous de maio celébrase o Día Internacional contra o Acoso Escolar, aproveitamos a reflexión da mañá na aula dos maiores para falar sobre un tema tan preocupante nestes días, para traballar a comunicación, a empatía, e a non violencia en ningunha das súas formas.

Celebración da Semana do Libro

 O sábado 23 de abril celebrouse o Día do libro e durante a vindeira semana celebramos no cole esta efémeride tan importante para nós.

Como devoradores de libros que somos aos que nos gusta compartir as nosas experiencias con eles, gozamos coa actividade de parellas lectoras no que falamos e limos fragmentos de libros especiais para nós con compañeiras e compañeiros de outros cursos.

Ademáis construimos marcapáxinas de papiroflexia que exhibimos nun mural no taboleiro da biblioteca.

Na biblioteca queda tamén outro testigo do noso traballo conxunto e creativo: Mákare, o libro no que nós somos os protagonistas, un libro que recolle historias escritas polo alumnado de primaria e ilustrado por as crianzas de educación infantil.

Aquí tendes algunha foto para que vexades o ben que o pasamos!

PREPARÁNDONOS PARA CELEBRAR O DÍA DO LIBRO 22/04/22

 Aínda que ata o día 23 de abril non se conmemora o Día do libro, esta semana xa comezamos a preparar a súa celebración que, terá lugar, na vindeira semana.

Para poder conmemorar este día como se merece, precisamos que os nenos e nenas do cole, de infantil e de primaria, traian da súa casa ( ou collan en préstamo da biblioteca) un libro dos seus favoritos. A próxima semana xa vos contamos que van facer con eles.

 

 

 

Ademáis temos novidades para a biblioteca baseadas nas vosas peticións, algunhas das vosas coleccións favoritas e algúns deses contos que tanto vos gustan, agora tamén en inglés.

Para as familias temos novidades moi interesantes: libros de escola de pais, de lectura literaria  para gozar, chorar, emocionarnos...

Tamén recibimos donacións do Concello e de familias de alumnado, moitas grazas!!

DEPORTE ESCOLAR: BADMINTON 21/04/22

Pequen@s deportistas de 3º a 6º de Primaria asistimos o xoves 21 de abril a Ribadavia para participar nunha actividade de BADMINTON, un deporte que nos encanta e que, algúns de nós, era das primeiras veces que tiñamos ocasión de practicar.

Gozamos un montón practivando este deporte e demostramos que somos grandes xogadores, compañeir@s e persoas.

PEQUEN@S EXPLORADOR@S DO COLE E DA CDU!! 08/04/22

O venres oito de abril, xa a piques de comezar as vacacións de Semana Santa e Pascua, aproveitamos no cole para comezar con bo pé este periodo de descanso e fixemos unha procura de ovos mooooi especial.

Os nenos e nenas do cole viñeron preparados para converterse en investigadores e exploradores que, mediante as pistas que lles proporcionaron os libros e a CDU, e despois de superar probas e obter anacos do plano do cole, buscaron ovos e un gran tesouro final.

Gozamos moitísimo desta actividade e, de seguro, tamén aprendimos, todas e todos: mestres e alumnado!