Saída dos nenos e nenas de Infantil a Cortegada

 Hoxe os nenos e nenas de Educación Infantil gozaron dun día moi especial con formación vial e coñecendo distintros traballos relacionados coa seguridade en Cortegada.

GRANDES PROFESIONAIS!!

 Como xa todas sabedes, este ano o proxecto da nosa biblioteca está centrodo nos traballos, por iso demos en chamalo: Peques traballadorxs, grandes profesionais!

Estas semanas foi o voso turno, familias, de vir a compartir os vosos coñecementos con nós.

O mércores 18 visitounos Fran, que nos falou do traballo de policía, o xoves 19 Silvia, enfermeira; o venres 20 Melisa, apicultora; o luns 23 Maru, apicultora; o martes 24 Pilar, horticultora e o xoves 26 Lola e Pamela, que viñeron a falarnos sobre costura.

Encantounos recibirvos e quedamos encantado con todo o que aprendimos, tanto dos aspectos máis específicos de cada traballo en si, como de algo no que todos estabades dacordo: a importancia de coidar aquilo que facemos.

Agardamos que gozarades tanto coma nós desta experiencia e convidámosvos a volver en canto teñades ocasión.

Mil grazas familias!!!

VISITA DOS COMPAÑEIRxS QUE XA ESTÁN NO INSTITUTO

 Hoxe 25 de maio recibimos na biblioteca do noso cole a compañeiras e compañeiros do noso cole que xa pasaron esta etapa e que están a cursar estudos no IES de Ribadavia. Falaron con nós de cousas moi importantes sobre a sía experiencia na educación secundaria e compartimos unha pequena merenda.

Agardamos que vos gustasen os caderniños e os marcapáxinas...😊

Moitas grazas por vir!!

 

SEMANA DAS LETRAS GALEGAS

 O 17 de maio celebramos as Letras Galegas, nun cole no que adoramos tanto as letras como a nosa lingua non o podíamos deixar pasar.

Aquí tendes unhas fotos das actividades que realizamos para homenaxear a Florencio Delgado Gurriarán.

DEPORTE ESCOLAR: ORIENTACIÓN de 2º a 6º de Educación Primaria

 

 
O día 12 de maio os nenos e nenas de segundo a sexto de Primaria participaron nunha actividade de Deporte escolar de Orientación. 

Aquí vos quedan algunhas fotos e a opinión dun compañeiros de cuarto sobre a mesma.

 

Fíxose no Xestal, competiron moitos colexios. A actividade consistía en ir polo campo de fútbol pasando unhas tarxetas por unha especie de maquina, e tiñas que pasala por todas, non podia faltar ningunha! 

Non só era no campo de futbol, tamén había puntos fóra do campo, porque o percorido era moito máis grande, foi unha aventura moi divertida... Eu creo que lle gustou a todos os participantes, a min encantoume, espero que outro día se repita esa actividade, foi moi divertida!

Escrito por Xoel Chao

DESPEDÍMONOS DE BRIAN!

 Con moita pena nos despedimos de Brian, o noso auxiliar de linguas durante este curso escolar. Estivemos encantados de poder compartir as nosas aulas, o noso centro, a Arnoia con el. Aprendimos moito e estaríamos encantados de que repetise experiencia aquí con nós ou de que lle vaia xenial alí onde a vida o leve. 

See you soon, Brian!!

FORMACIÓN DE USUARIOS CON MARIBÍ

 Hoxe recibimos na nosa biblioteca a unha experta en bibliotecas escolares, Maribí, que veu dende o cole de Ribadavia para darlle aos nenos e nenas de cuarto, quinto e sexto, unha breve formación sobre uso e xestión do empréstito na biblioteca escolar.

Moitas grazas!!

BIKE TOUR AROUND ARNOIA

 Hoxe levamos a cabo o roteiro que preparamos con tanto cariño durante estas semanas anteriores.

Queremos ensinarlle a Brian todos algúns dos lugares deste Concello tan bonito onde vivimos.

Subimos e baixamos carreiros e camiños facendo parada en lugares de algo valor cultural, histórico ou paisaxístico dende os que, en inglés, compartimos con Brian a beleza da Arnoia.

 

 

CLUB DE LECTURA

 Xa rematamos o noso segundo libro do Club de lectura, As Confesións de Carlota Doyle. 

As opinións sobre esta narración non foron tan unánimes como no caso de Cartas de Inverno. Aída que nos gustou moito e mantivemos acaloradas conversas especialmente sobre certos pasaxes moi emocionantes, algúns e algunhas das lecturas opinaron que as descripcións, en ocasións, se lle fixeron longas...

Na opinión da maioría, os pasaxes que máis nos gustaron foron eses que daban algo de "medo" e tamén nos que Carlota se viu na necesidade de enfrentarse a quen no final non era como parecía...

Se queredes saber máis, lede a historia, é moi recomendable!!!

VISITA CULTURAL A CELANOVA E VILANOVA DOS INFANTES

 O catro de maio gozamos dun día moi especial, fixemos unha saída cultural a Celanova, moi esperada despois deste tempo sen poder realizar estas actividades que tanto nos gustan.

Desprazámonos en autobús ata a vila e unha vez alí visitamos o mosteiro de San Rosendo, a capela de San Miguel, gozamos dun concerto didáctico de órgano e, tras unha breve pausa no parque das Triguerizas, desprazámonos ata Vilanova dos Infantes, onde seguimos a nosa viaxe no tempo subindo a torre medieval e profundamos un pouco máis na área do saber que estamos a traballar a través do noso PDI: o traballo, neste caso, dos zapateiros.

Foi un día cheo de experiencias e aprendizaxes!!