XOGANDO CO ATLETISMO!

Hoxe, 22 de febreiro, as rapazas e rapaces da clase dos maiores fixémolo xenial nas probas de atletismo en Ribadavia. GANAMOS!

MANDO DO MECO PARA O MARTES!!

Si que somos revirados,
e que lle imos facer...
mañá co pé cambiado,
algo imos traer:
calcetíns ou zapatos diferentes
un de cada en cada pé!

                                                   Imagen de Ryan McGuire en Pixabay

MANDO DO MECO

                                                       Para o luns do noso atuendo

                                                           temos que seleccionar

                                                         unha prenda que do revés

                                                                 poidamos levar 

                                                            porque deste xeito tolo

                                                           a semana imos comezar

                                            

                                                        Imagen de Goran Horvat en Pixabay

Club de Lectura 17/02

 Onte 17 de febreiro a chuvia deunos unha tregua e deixounos gozar coa lectura no patio.

Tivemos que parar de ler as 15:07 aínda que todos queriamos seguir lendo... Que intriga!!

Acordamos rematar o libro para a próxima reunión, e así poder xa comentar xuntos as impresións de toda a lectura... 

Deixaremos a celebración e o xogo de agachadas para a volta da paradiña do entroido porque o próximo día, de seguro, imos ter moito que compartir.

A vindeira semana está chea de festa e literatura...

 

Eu son libre. Nada pode conter a marcha dos meus pensamentos, e eles son a lei que rexe o meu destino.

Rosalía de Castro.

 

O día 23 celebraremos o día de Rosalía, aproveitemos para reler os seus versos sempre tan reveladores...

Durante toda a semana iremos sumerxíndonos de cheo no Entroido, atentos os mandos do Meco!!

 

 

MOCHILAS VIAXEIRAS 16/02

As persoas afortunadas desta semana...

INVESTIGANDO NA BIBLIOTECA SOBRE...

 O luns, como xa estaba anunciado, fixemos unha actividade moi interesante na biblio do cole: investigamos sobre mulleres relevantes para a ciencia das que case nada coñeciamos, reflexionamos sobre a súa importancia e sobre as posibles causas que fan que as nenas e mulleres non teñan tanta visibilidade nas áreas científicas. Aquí vos quedan algunhas fotos da nosa investigación.

Hoxe é o Día internacional das mulleres e as nenas na Ciencia

 

O luns levaremos a cabo unha actividade de investigación na biblioteca moooi interesante, non vola perdades!! Estade atentas!!

XA SE ACHEGA O ENTROIDO!

 

E este ano, fieis ao noso espírito de reducir o consumo para ser máis responsables, non imos fabricar disfraces nos que xeremos lixo innecesario; por iso, propoñémosvos elaborar uns traxes divertidos con cousiñas, vestimentas, complementos... que xa teñamos polas casas, tipo choqueiro. A temática é a do noso proxecto: o traballo.
Así que xa podedes comezar a darlle a esas cabeciñas e a rebuscar en maletas ou baúis; escollede algún traballo e vestídevos de maneira simpática e estrafalaria como se o fósedes a desempeñar.
Lémbrade! Trátase de utilizar cousas que xa teñamos... e de pasalo moi ben!!

 

Club de lectura 10/2/2022

 Bos días familias.O día 10/2/2022  tivemos club de lectura, falamos sobre o capítulo 5 e quedamos de leer dende o 7  ata o 10 (non incluido). Esta semana tamén se uniu Brian o noso auxiliar de conversa: welcome!.

Escrito por: Carla,Mateo e Sara.

Biblioteca e escola tamén das familias!!

 Onte tivo lugar a reunión na biblioteca para explicarvos todo o que nos traemos entre mans e animarvos a participar activamente en todos estes asuntos...

Moitas grazas a todos os que puidechedes asistir e tamén aos que amosáchedes curiosidade e interese a pesar de non poder estar aquí con nós. Hoxe levan os nenos e nenas un pequeno folleto no que vos contamos esas cousiñas que andamos a argallar.

O máis importante que queremos transmitirvos é que a biblioteca non é só cousa de profes e crianzas, que tamén vos, familias e membros da comunidade educativa, exalumnos... tendes as portas abertas a este espazo e as súas actividades. Estamos encantadas de recibir propostas e colaboracións, dende fondos que vos parezan interesante para enriquecer a biblioteca ata visitas reais ou virtuais para que nos faledes de traballos que levades a cabo no día a día.

Tamén quixemos aproveitar esta sesión para poder resolver dúbidas e explicar as motivacións que nos levaron a plantexar a proposta de cambio de xornada, só con clases pola mañá pero mantendo o horario co servizo de comedor, biblioteca e transporte ata as 16:00. Lembrade que a votación terá lugar o día 16 e que a vosa participación é fundamental.

Moitas grazas adiantadas pola vosa colaboración!!

MOCHILAS VIAXEIRAS 09/02

 Aquí están os nomes dos afortunados e afortunadas desta semana:

CLUB DE LECTURA

 Onte 3 de febreiro tivemos a segunda reunión do noso club de lectura, despois de compartir sensacións e emocións, opinións e todo o que nos pareceu, limos un pouco xuntos e acordamos ler ata o capítulo 6, ata a páxina 58.

Aquí vos queda unha foto de outros candidatos de lectura para o club que non saíron escollidos, pero  podedes gozar co préstamos habitual da biblioteca.

XA TEMOS NOVA MASCOTA DA BIBLIOTECA

 Tras o reconto da votación xa temos nova mascota seleccionada:

 

Agora temos que darlle nome, ide pensando ideas que dentro de pouco faremos as propostas e a votación.

MOCHILAS VIAXEIRAS 03/02/22

 

ESCOLA DE NAIS E PAIS: A NOSA BIBLIOTECA É DE TOD@S E PARA TOD@S!!

 

 Queremos convidarvos a unha escola de nais e pais na que nos gustaría compartir con todos os membros da comunidade educativa o proxecto da nosa biblioteca, as novidades deste ano e o que seguimos levando a cabo dende cursos anteriores, escoitar as vosas contribucións e ideas e animarvos a participar activamente na vida da nosa biblioteca.

A reunión terá lugar o día 9 de febreiro as 16:05 na Biblioteca CSA, a biblioteca do cole.

Agardamos que vos animedes a asistir.

CONVOCATORIA: VOTACIÓN PARA A SOLICITUDE DE MODIFICACIÓN DE XORNADA

 Xa está colgado no taboleiro de anuncios do centro escolar a convocatoria de votación para solicitar o cambio de xornada.

Aquí tendes o documento por se o queredes consultar.

A xornada de votación terá lugar o día 16 de febreiro en horario de 9:30 a 17:30.

O voto será directo e secreto, e poderá votar un membro por familia: pai ou nai ou titor/a legal de cada familia.

O censo está exposto no taboleiro de anuncios do centro e o luns día 7 de febreiro abrirase o prazo de cinco días para interpor reclamacións ao mesmo.

Na vindeira semana procederase o sorteo dos membros da mesa, que estará constituída pola dirección (presidenta) e dous representantes das familias (nais, pais ou titores/as legais). Como resultado do sorteo escolleranse dous titulares e dous suplentes e exercerá de secretario o representante de menor idade.

É moi importante a participación da comunidade educativa e agradecemos de
antemán a vosa implicación na vida do centro escolar.