Os protagonistas de Infantil!!

Gracias as familias por aportarnos un pouquiño de cada un.

Primeiros auxilios!!!

DÍA DO LIBRO

  



O día 23 de Abril foi o día do libro.

No cole, quixemos celebrar este día cunha pequena sesión de contacontos.

Os maiores fixeron de contacontos para o resto de rapaces e rapazas do cole.

 Tamén explicamos por que o día do libro se celebra o 23 de abril: porque ese día morreron dous grandes escritores como foron Cervantes e Shakespeare.

Pasámolo moi ben!

GAÑADOR CONCURSO DE DEBUXOS

    Xusto antes de irnos de vacacións comprobamos o resultado das vosas votacións sobre os deseños para a camiseta dos rapaces e rapazas do cole.
    O resultado foi bastante axustado, pero estas son as finalista se o gañador.


UXÍA: TERCEIRO POSTO.

ICÍA: SEGUNDO POSTO.

                                                         

                          GAÑADOR: IVÁN

Festival de Nadal

Seguimos recordando vellos tempos...

Aquí vos deixamos unha pequena montaxe do Festival de Nadal, agardamos que vos guste!

 
                 

Unha ollada atrás... "Obradoiro de baleirado de cabazas"

   E aí estamos, recén comezado o curso... era unha pena que este vídeo, que montou xa fai tempo a profe Cris, quedara sen publicar. Así podemos comprobar o que medraron os nosos rapaces e rapazas ao longo do curso!

CONCURSO DE DEBUXOS

    A petición da Anpa fixemos na escola un concurso de debuxos. O debuxo gañador será o diseño que aparecerá na camiseta que dende a Anpa se venderá para conseguir cartos de cara a excursión de fin de curso.
   Cada votante elexirá os tres debuxos que máis lle gusten, o da aí obteremos un vencedor ou vencedora. Tódolos membros da comunidade educativa estades invitados a votar, sempre que veñades en hora de recreo ou recreo de comedor.
    O próximo Venres diremos xa o resultado.
    Para os que non poidades vir, aí tedes as obras maestras!!

ESTUDAMOS AS PLANTAS

    Os rapaces de 1º, 2º e 3º estamos a estudar as plantas, así que decidimos saír a explorar un pouco e ver cales tiñamos no cole e que sabiamos delas.

   Vimos como brotaban as novas follas das árbores de folla caduca, descubrimos cales eran de folla perenne, observamos as partes das plantas e falamos de como coidalas.

   Así da gusto aprender!

Plantas Pedra

   A semana pasada, Manuel trouxo ao cole unhas plantas moi peculiares.

  Eran plantas pedras e, según os nenos, parecían pequenos cerebros.

   Investigando descubrimos que eran típicas de zonas desérticas e que no seu interior teñen agua.

  Parecen pedras para que os animais non as coman e así, camufladas, se protexen.
   Así se adaptan ao medio onde viven.

  Gracias Manuel por compartir con nós as túas plantas!

DÍA DA ÁRBORE

 Este venres 21 de Marzo celebramos no cole o día da árbore.

E que mellor xeito de conmemorar este día que plantando novas árbores no patio da escola.

Cada clase plantou un tipo diferente de árbore froiteira:os de infantil unha pereira, os de 1º,2º e 3º unha cerdeira e os maiores unha nectarina.

  




Cando comecen a dar froitos ímonos poñer as botas!!!

Tarde de contos: O Carballo con Botas

       O día 26 de febreiro tivemos unha visita no cole. Veu por aquí un señor chamado "Carballo con botas" para contarnos historias sobre os ríos de Galicia, sobre seres que habitan neles, sobre como debemos coidalos...                     

O Carballo con Botas

      Pasámolo moi, moi ben compartindo historias, pescando contos, aprendendo cousas novas... Gracias Carballo con Botas!

  





Así o 
pasamos!

DEPORTE ESCOLAR

Equipo CEIP San Salvador

  O mércores 19 de febreiro comezaron as competicións multideporte do programa de deporte escolar. No noso primeiro día de competición nos enfrentamos ás rapazas de Castrelo de Miño.
   Foi unha estupenda xornada de convivencia e actividade física!!!

   

MAGOSTO 2013

     Boas familias!

     Pouco a pouco imos intentar ir poñendo cousiñas para que poidades ver un pouquiño máis da vida no cole. Hai cousiñas que xa pasaron fai tempo, pero que non tivemos tempo de publicar antes. 

   Nos próximos días iremos actualizando o blogue ata que consigamos que sexa unha unha ferramenta para contar todas as cousas importantes que suceden na nosa escoliña.

    Unha desas cousas que tiñamos por aí gardadas son algunhas fotiños do noso magosto...

                                                   Esperamos que vos gusten!